Os asistentes a #SilverBullet17 obterán PDUs para renovar ou obter a certificación PMI(R)

Asistir a #SilverBullet17 está cheo de vantaxes. Todas as persoas que se inscriban no evento poderán obter PDUs para renovar ou obter a certificación PMI(R). Máis información en https://ccrs.pmi.org/search/Activity/336524

Organizado polo CPETIG e a Amtega, #SilverBullet17 vai reunir o vindeiro 11 de maio na Cidade da Cultura a oferta e a demanda do sector da xestión de proxectos software nun espazo de encontro para propiciar un intercambio de información sobre as últimas tendencias metodolóxicas, favorecendo a adquisición de habilidades de comunicación, xestión de recursos humanos e liderado.

Intervirán como relatores algúns dos máis relevantes profesionais do panorama actual. Na sesión de mañá tomarán a palabra José Luis Iparraguirre, director de IAL Software Engineering; Carlos González Jardón, consultor de Xestión de Proxectos en Tecnocom; e Javier Garzás, mentor áxil e experto en xestión de proxectos e equipos; para rematar cunha mesa de debate moderada por Susana Gómez Carnero, CEO en Origami Soluciones e directora executiva de BNI Galicia. Os relatores previstos para a  sesión de tarde son Javier Cebreiros, socio do espazo de innovación social Impact Hub Vigo e da empresa InfoJC; e Jaume Gurt, director de Organización e Desenvolvemento  de Persoas en Schibsted Spain, que xestiona os portais Infojobs, Fotocasa, Vibbo, Coches.net e MilAnuncios.

As empresas Bahía Software, Balidea, Ednon, Hacce Conversion&Design e Plexus colaboran como patrocinadoras no desenvolvemento de #SilverBullet17.